31 يناير 2008
كيفكم يا حلوين .. اتأخرت اكتير بس متل ما بيحكوا كل تأخيرة وفيها خيرة المهم انا مشتاقة اكتير اكتير لكل اصدقائي لو كنتم معي .. بهاللحظات الحلوة اللي مرت خلال هاليومين باختصار .. تلجت الدنيا .. وكان التلج بيجنن اكتير انا ما لعبت فيه لانو كنت تعبانة .. بس كل الحي لعبوا بالتلج وانبسطواا هي صور صورناها .. للزائر الابيض
هدولي رجلي التلج اللي عملناهم .. لعبنا معهم واتصورنا وانبسطنا اكتير .. بس لسة في كمان واحد
هدا اعملناه باليوم الاول .. يومها الاهل ما خلونا نطلع نلعب بالتلج .. لانو الدنيا كانت بعدها بتلج .. فاخدنا التلج اللي على الشباك وعملنا فيه هدا الامور
وهي صورة الو كمان مع اختي الصغيرة
وصور كمان
مصنف في: يومياتي |71 Views | | التعليقات: 3 »
29 نوفمبر 2007
عنا بالاردن بالمواصلات الواحد بيقدر يسمع قصص ناس اكتير ومشاكل وشكاوي واخناقات .. لانه كل المواصلات بيفتحوا على اذاعة من الاذاعات اللي بتشتغل عنا وتنقل على الهواء كل الشكاوي اللي بتصير من المواطنين على الصبح
اهل المواصلات بيحبوا يسمعوا الشكوى العلنية .لانه . بيقدر سواق هالباص او شفير التكسي او السرفيس ينتبه لو اجت شكوى عليه من احد المواطنين ويتفادى المخالفات .. طبعا هدا شي حلووو ومو حلو .. بس حلو اكتر لانو المواطنين الصبح كأنهم قاعدين مع بعض ويسمعوا لبعض ومو حلوووو .. لانو مليان مشاكل على وجه هالصبح
مرات بكون متنكدة وبسمع قصة بتعجبني بفرفش .. ومرات بسمع ضحكة الوكيل بنبسط .. ومرات ايميليو بحط شغلة غريبة بتفرفش بنبسط .. يعني بحاول اتقبل هدا الموضوع الاساسي بحياة كل انسان بسوق بالاردن
ومرات بنتصبح بأخبار حلوةو مرات بتحزن .. بس هي الحياة هيك
متل اليوم .. اسمعت قصة الولد اللي كان نايم بحاوية ..واجت سيارة عملت حادث مع الحاوية والولد الصغير مات .. قصة بتحزن اكتير .. وما فيها انسانية مش لان الشب خبط بالحاوية .. لا.. لانه هدا الطفل عاش حياة صعبة اكتير ونحن ما بنعرف عنوووو شي ..ومات كمان موتة
اكيد في منها رسالة .. يا ترا انا فكرت صح او غلط
اكيد هي القصة في منها حكمة لكل انسان سمعها .. الولد ما عندو اهل .. بس اكيد في اكتير حزنو على حالته ووضعه .. واكيد في غيرو اكتير
الحياة .. صعبة اكتير .. هدا اكتر شي بقدر احكيه
مصنف في: يومياتي |73 Views | | التعليقات: 4 »
18 نوفمبر 2007
مدونة جميلة .. تحتوي على مواضيع أحببتها
متعلقة بالتصميم الثلاثي
تحتوي العديد من التصنيفات كالكتب الالكترونية .. برامج التصميم وغيرها من التصنيفات
اذا كنت مهتما بهذا المجال .. تفضل بزيارتها
http://nitchi3d.wordpress.com
مصنف في: دنيا المدونات ومدونتي |47 Views | | التعليقات: 2 »
